حبّكْ عيب و ما يواتيني في السّنْ

ويفضحني قدّام عقلي وأفكاري

ويشفيِّ فيا الشامت يتْفننْ

ويضَحّكْ عني البايع والشاري

إيِقولو رمز العقل هاهو كي جنْ

فضحو قلبو قدام ناسو اذْراري

هُم عُذاليِ دايمنْ فيا تطْحنْ

حتْ صْحابي ما تصدقش اعذاري

حتى نايا ما قدرتشْ حتْ انْضنْ

كيفْ أنْحبك نسَكنكْ تحت شْفاري

وتعودي أنفاسْ في روحي تسّكنْ

وتعودي أنتِ الْجنَة يا ناري

عدتْ نهلوس في حلامِي ما نفْطنْ

وراكبني وسواس ونسيّتْ اصْغّاري

حبكْ مجرمْ مابقى ع القَلب يحّنْ

ذابحني والآه تعبثْْ بصواري

هديْيتني وخاطري لابا يسكنْ

متناقض أنا الزّارع لجماري .

أصغيرة وصغيْرَة تُحفَة من فنْ

أميرة راها أتدوّحْ بوتاري

تتدللْ عني و منها نتْمحنْ

بسمتها هي الدنيا واخْبارِي

هِـ حظي وقصْيدتي ملاك الْجّنْ

هِـ ريحْ الميدادْ حرفي واشعاري

هاكي روحي ما نرافقها باللْمّنْ

هاني عندك وتأكْدي من قراري

نمووت أنحبك واللا يقولوعني جن ْ

المهم أنتِ شموسي ونْهاري