تذْبح في حضُورها مزيون الڨدْ

منْحُوتَة سبحانْ قدّرْ واهْداها

تحفونَه ومْعدْلَة للروبْ أسودْ

مخلوقَة ومعدلْ الْكونْ أسْواَها

اعْطاها معنّى البْها لحنْ ينَشدْ

قصيّدةْ حُبْ وذايبَة في معناها

نسمَة عذْبَة ناعمَة لرُّوحْ أتْرُدْ

غيث محبَة هاهي طلتْ ببهاها

دخلتْ قاعَة واسعَة والكل أشّدْ

ماهي طفلَة نور يسطعْ بسناها

حتْ القاضي قام مشدوهْ يرددْ

الْجلْسَة مرفوعة ،وشكون ابْداها

يتخبطْ فـ القول متعثر ويّرُدْ

واحد عشْرَ.. أصْباعْ يدو ونْساها

وزُّمالا كل واحد يتوددْ

أستاذَة عطاها مكانُو واهْداها َ

والحضورْ الكلْ فالْجلسَة زاهدْ

ناسي لاه حْضرْ من هول بلاها

بسمَة منها سكتتْ للكلْ أهمدْ

تتحدث كمّان مبحوحْ أحذاها

هدلْ حمامَة هاديَة للصمّتْ أتهدْ

وعذوبة تشفي الخاطر بشّذّها

وردْ اللّوْتسْ في حمّاها كِ وردْ

حفنَة ملْ جمال الْوجهْ أدّاها

الْعين الكحْلَة فايتّ علِيها مرودْ

خفيف ظريف يهزّ للروح أدّاها

أدا روحي مابقى ماعدت أنشّدْ

ها راني مسجون في بحرأهواها

محامية يا لله ليها تسعدْ

وتتركني محبوس عاشق لبهاها