واقف عا مفرق شارع النسيان
جول بعيون الناس عينيي
مجنون...عم فتّش على انسان
يشعر شعوري...ويفهم عليي
وشفتك كأني فايق من النوم
وصرلي عمر عم فتّش عليكي
ما كنت آمن بالصدف....واليوم
آمنت بالصدفة.....وبعينيكي
ومن فيض حبي صار الي مدة
بشوفك عم ترفّي عالمخدة
بطردلك خيالك مع الأحلام
ومن بعد لحظة بترجعي لحدّي
بتطلع بعينك قبل ما نام
بشوف أمسي وحاضري وغدّي
وبسمع بصوتك زقزقة أنغام
كل ما بتجي عالهاتف تردّي
بتخايلك بالبيت مسجونة
وبين الأمل واليأس مجنونة
وخوف ورقابة ويقظة نواطير
بالمطرح اللي فيه بتكوني
وكل ما بعيوني بتعملي مشاوير
بطلب تا عمري ينسلخ ويطير
ولا ينسلخ طيفك من عيوني