لعل براق سرى في دجى الليل
ينثر على دار الحبايب ربابه
يسقي لنا دار مقر و مداهيل
دار لنا يوم السنين الطرابه
سجيت فيها بأول العمر يا ويل
قلب على ما به يزيد العنا به
يا حي عصر ما بقى الا تماثيل
رسمه و مثلي يذكر اللي مضى به
قوم و خلان و ربع مشاكيل
و كيف و شيمات و عز و مهابه
في مجلس به للنشاما مداهيل
يوم الردي يا ركب رزقه هبابه
و الوقت دارت حيلته بالمحابيل
خسران يا من سج به و التهابه
واذكر اله العرش يا سامع القيل
و صلوا على نبينا و الصحابه