التسامح جايز ف بعض الامور
وبعضها منك التسامح مهزله
ومايطيق الهزل رجالٍ جسور
الهزل في حد ذاته مشكله
صاحبي والعلم للناس مْخبور
ماهو لغزٍ والعقول تْحلّله
سامح الباير ويرجع بك يبور
لان طيبك كان في غير أَهَله
مشكلة هالوقت دايم في دبور
ملتقي عاليه في قاع أسفله
لاتدحرجها على سبعة بحور
الحليم احيان حلمه يقتله
بندقٍ ماهي بلازمها تثور
صيحة الراعي علَتها منزله
مادمرنا غير جُمله من عصور
وجهٍ تْعَرْفه ولا اللي تجهله
وكان وجه المعرفه ماهو مْعمور
لاهلا ولا مرحبا ولا مسهلا
ياكبر لأسما وغالبها ذكور
والذكَر مو شرط عنده مرجله