مشتاقكْ وما لقيتش واش اندير

وأنتي عندي ساكنَة ارُّوح أمعايا

أبعيدة ف البّر ،عاجز باه انطيرْ

وأنشوفكْ ديما معايا وأحْذايا

خايفْ عقلي ما بقى بيهْ التفكير ْ

افْكاري تاهت متناطحة فيّا نايا

وقلبي ديما حاسو مزالْ اصغيرْ

ماهو عارف غير فارح لبلايا

يتمتعْ بدْلالها وانا ف الْبيرْ

يابسْ ريقي. فاشلَة كل اعضايا

لاه اتغيبي أتْحسّيي ياوجه الخير

وينو طيفكْ خليه يهمسْ بسمايا

وتْوتيلي قصيدتي والحرف يسيرْ

نرسمْ لوني في حكايةْ معْنايا

الله غالبْ عاشقكْ والعمر قصيرْ

ويكتْ يدرا ندي ّحبيبةْ مونايا

أنهلوسْ من عادتي وسواس كثير

وتايه نايا ، ونارْ تاكلْ بعْضايا