يا قُوليشة تقلشي وزيدي لعْنادْ

وتْغنّجْ يا زين أنحبْ أعْنادكْ

لا تطيعيني وعاكسيني ف لْمُرادْ

ما نحبشْ الساهلَة في ميعادكْ ْ

نحبْ القسوة وعّ الجمّر تشوِي لكبادْ

نحبْ الشوقْ يزيد، ونحبْ انْدادكْ

قولي لالا وما تْطيعي للتُّودادْ

ديري روحكْ قاسية في تنهادكْ

شدّي دمعك لاه تبكي ع الميعادْ

لاه الشكوة م اللْيالي واسهادكْ

انا فارس أنطوعو شاردْ لعْيَادْ

نحبْ المهرَة الحارنَة نحبْ أزنادكْ

نحبْ الحجلة الطايرة نحبْ الشّرادْ

نحبْ أنصيدْ ،نحبْ نعثرْ في وادكْ

نحبْ قصيدة هاربَة من واد لوادْ

نحبْ أحْروفْ أنلمها في تقْصادكْ

نحبْ اللحنْ أللي صاعبْ ع لْلعوادْ

نحبْ العزفْ إللي سكتْ شرقْ بلادكْ

نا نحبكْ . بطريقتي نحبْ التّعنادْ

نحبْ أعذابكْ نحبْ جيشكْ وأجْرادكْ

ها كوليني كي نعسلج بالتُّوراد

ها ضميني كي نعْثر بووهادكْ