نتْشهى خبزْ الْحياة و صُنعْ يديكْ

طابْ على جمر المحبة واشْواقي

ونتْشهى أنشوف بالْحبْ ف عينيكْ

ونتْشهى نتْبادلو حرفْ أحْداقي

ونتْشهى أنشوفْ الحشمَة تكْسيكْ

ونتْشهى دهشَة تحركْ لوْراقي

نحبْ يزيدْ النبضْ والموجَة تدْيكْ

وتديني وأنْذوبْ في روح عْماقي

خبزْ الدار وريحتكْ والقمح يجيكْ

وفي حجْركْ لعجينْ وعْطور سْواقي

هاتي خبْزكْ فتْ تيهْ على كفّيكْ

ناكّلْ منو هو دوايا ترياقي

حتَى كفكْ نتيمّْمو وجهي نهديك ْ

وأنْشمو ، وريحتْ الْخبزْ الباقي

كفكْ نبعْ حْنّينْ ، دهشَة وماوتيكْ

فيه الحبْ وقْصيد درويش التّاقي

فيهْ الْحرفْ ولونْ ولْمعنى يحْكيكْ

وفيهْ اللْحنْ وفيهْ موّشحْ ناقي