قصيِدَة خضرا مزالها تتْبرعمْ
واُمْنيَة مزالها فـ البالْ
حروف حكاية ذايبَة تتبسمْ
ورْدَة غضَّة جايَة مزالْ
ها طيفْ الملاكْ لوَّنْ يرْسمْ
نغمة مرسومة بلحنْ الفالْ
دمعةْ عينيها تشتتْ تهْزمْ
والبسمَة منها سحرْ دلالْ
ا صْغيِرَة وما زالها تتعلمْ
عذْبَة ذ المكمول من خيال ْ
قالتْ مغرومة وربي يعلمْ
والزفْرَة منها تهّدْ ا جْبالْ
همستْ لِلي بكلامها تتْعثْلمْ
مغرومَة ها كاتمَة لثْْقالْ
ماكنتشْ نا ظانَة نتألمْ
وماكنتشْ نا ظانَة محالْ
جاني هاذ الحبْ عني زادم ْ
بينْ نهودي شقنِي بنباَلْ
شوفْ لحالي قايسَة نتلّطمْ
مهدودَة نا راكبَة لهوالْ
هاني نايا هكذا ونْخممْ
نعْشقْ فيكْ وتشدني لحباَلْ
هيَ تحكي و داخليِ يتْهدَمْ
جمري ينبتْ هزني زلزال ْ