صوتكْ حُلمْ وطّارْ بالخاطرْ دوّحْ

خدّرني راني نحوّسْ ف الْخضرا

في ذلْحظة هزْني ليكِ جنَّحْ

هانِي عندكْ قدام عيْنكْ ياسمرا

مذْهولُ وافْكار ْ تتعاركْ تنطّحْ

شكّونْْ آنايا وانْت شرابِي بالنبْرا

سكّرْتنِي بحْلامْ ورديَة تنْضّحْ

ومخارجْ لحروف مفعول الخمْرا

هادِي همّسكْ نايْ هاديجْ ينوّحْ

منوُ حالِي كِّما الطّايحْ ف لْحضرا

زيدي همْسكْ زيديهْ ذ القلبْ يريّحْ

وسّْمِي زيدي عاوديهْ معّ السّهرا

ڨولِي صالحْ بغنّْتك ليّا تذبّحْ

ڨولِ نعشّقْ صلاحْ يامسْ ولْبُكرا

ڨولي برشا ويعيّشكْ ذيكْ تْفرّحْ

آكاهو زيدي قصايدْ ف الْهدرا

هذا همْسكْ خدّر لْخاطرْ بالصّحْ

أم هبالي فلْ لمْلامح وصُّورا

وحضوركْ أميرةْ التُرْكْ اتْسبّحْ

ياسْمينَة ومزّينَة قصّر لّْحمرا

ڨلبي شاعر حاسوُ م الصّدر أتْنّحْ

وروحي عندّك عاشقاتكْ مبْهورا