بالسلامه يا حمامه روحي للي تعشقينه

وصدقيني أني راضي ما عليك وما عليّا

روحي عني بالسلامة ما يبي الديّان دينه

غصب عني متغاضي قيد حبك في يديّا

ما أجاوبك بغرامه تسألي نفسٍ (ن) سجينة

صعبة مسجونن وقاضي ما تجي حسنه وسيئه

اتبعي رأيه وكلامه واسقي نفسك من حنينه

وقولي إني كنت ماضي وانطفى بهالقب ضيه

واتركيني كاليتامى بالحزن مثل السفينه

يظهرون البال راضي والحزن فيهم هنيا

مثلهم هذه ابتسامه يعني نفسي مو حزينه

والحقيقه أني قاضي والحزن بركان فيّا

والحزن مرعب ظلامه وهمي أنك ما تجينه

مخفي عنك انتفاضي ما ابي يكويك كيه

جرحك بهالقلب هامه ما حمل ضدك ضغينه

لا وراسك قلبي فاضي معتبر جرحك هديه

واذكريها ياحمامه قبل ما تنسي الرهينه

يوم أنا قلت متغاضي غصب عني مو بيديّا!