ضليت طريق القمر
بين الرياح والسيل
حتى النهار اختفى
ولبس عبايه ليل
مديت ايدين خايفه
وعيون ماهيش شايفه
لا وصلت بر الامان
ولا عدلت الميل
***
كان نفسي شمس الهدى تاخدني من ايدي
وتعدي بيا الحدود واوصل نهار عيدي
العقل ليه ضلني والقلب ما دلني
ولقيتني بزرع امل واحصد حصاد الويل
***
شلت الامانه سنين
ويا ريتني شلت جبال
ولا تهت بين دنيتين
ولا ضعت جوه سؤال
***
يا ريتنى ارجع ندى
فرحان بنور المدى
وادخل بلاد الرضا
من غير سيوف ولا خيل
ضليت طريق القمر