كل مسلم بيك بيفرح
لما تيجى كل عام
مانت ليك فى القلب مطرح
للهداية والسلام
فيك هداية وفيك محبة
فيك يتوب كل العصاة
فيك تجمع للأحبة
فيك بيرجع إللى تاه
فيك نزل أعظم كلام
على ربة اصطفاه
ليلة فيك بلعمر كله
فيها يتقبل الدعاء
ومن فضيلك فية كتير
بس لو يصحى الضمير
كل واحد فينا يخلص
الغنى يدى الفقير
فيك عبادة وخير زيادة
بس فيك حبة حاجات
ألف عادة دول زيادة
وإحنا لية نرضى السكات
دينا يسر مافيهش عسر
قول لكل الأمهات
عشرة لحم وشرة لبس
وعشرة كحك ومصروفات
والحقيقة إنك برىء
من حاجات غير العبادة
والحقيقة مين يطيق
كل يوم طالبين زيادة
نفسى أشوفك بكرة راجع
وإحنا فهمينك بجد
نفسى تبقى للعبادة
فيك نصد الظلم صد
فيك نصد الظلم صد