ماشي زي الضلمة في المواسير
ماشي زي الدود في توت الحرير
ماشي زي النور في قلب الضرير
والدموع.. فين الدموع دلوقت
الدموع هي العيال والكتب
هي قمصانهم وهي الإيدين
هي سقف بيوت بتطربق
وانت نايم جتّة فوق السرير
انت جسم يعضّ فيه الداء
انت صاحب غلّ مش أعداء
انت فاشل يحسد الناجحين
تفتكر دلوقت من غلّك
ستّك العبدة اللي شايلة الطحين
وانت مش عارف تشوف ظلّك
انت مش عارف علاج العطش
انت مش عارف علاج الجوع
انت مش عارف علاج الخيانة
بالطعام والميّه والتسليم
انت مش عارف علاج الغدر
بالطعام والميّه والتسليم
الشعور بالإنسانية أليم