اهتدي يا عمر عاسوالف مشيبي
وخلّي مرايتك مني قريبي
وخلّيلي من الحلوين موني
تكفيني من شروقي لمغيبي
أنا مقيّد لعاطفتي الحنوني
وجنون الحب حمّلني صليبي
إذا ما بكمّل مراحل جنوني
قلبي بيعمل بقلبي عجيبي
عيون السود ضلّو يجرّحوني
تا صارت حالتي حاله كئيبي
إجو أهل المروي ينصحوني
تا إبعد عنهن وطفّي لهيبي
قلت يا عالم بحالي اتركوني
أنا المتألم وراضي بنصيبي
مش بحاجه لأطبا يعالجوني
الجرحني بس بعتبرو طبيبي
ضلّو قبال منّي تأملوني
وإذا بدكن الآراء المُصيبي
عن الحلوين لولا بتسألوني
حلوين الدني مصيبي علينا
وما فينا نعيش من دون هالمصيبي