يَوم ويَومين وجمعة

وشَهر وشَهرين

تعبِتْ بِعَيني الدمعة

وِين غايب وَينْ؟

***

شَهر وشَهرين وبَعْدَك

بَعْدك بتقول

تقول محافظ عَ وَعدَك

والوعد يطول

وقلبي الناطر عَ بُعْدَك

بالُو مشغول

مشغول ولَيْلو بَعْدَك

صاير لَيلين

***

عالعالي طاروا وعَلُّوا

جَوز حْساسِين

حْساسِين وراحوا وغَلُّوا

بْعِبّ الشَّرْبِين

ويسأل وَينُن ونقلُّو

راحو الحلوين

الحلوين الْـ كانوا يمَلُّوا

من راس العين

***

زَهَّر شبّاكك زَهَّرْ

شبّاكك فِلّ

الفِلّْ الْـ عَ جْبينك نَوَّرْ

نَوَّر عالكِلّ

جِينا لْعندَك تَ نسهر

ما كنت تطلّ

وطلّ الشوق اللي مْسَهَّر

دَمعات العَين