بحبك تضلي عايشي بعيدي
ت ضل احلم في مواعيدي
لا تقرّبي، بتفيقي جروحات
عتقت بقلبي وبعدها جديدي
وبنظرتك، لا تفرقي النظرات
ع جروح قلبي جروح بتزيدي
فضّلت اكسر خاطر الوردات
ولا مدّ ايدي وتنكسر ايدي
***
تزيدو أمل، ويزيد
وتكشّحت كومة هالغطيطا
وصارت بجسم مزنّرا شريطا
متل شمعة عيد
***
ما اكفر وما اكفرو الزنار
ع جسم معجون بزهر نوّار
مغبر بريحة تلج، أيا عبار!
مغطّس بخمر بيجهلو الخمار
مغمّس بمسك وناردين وغار
مقمّر، منوّر، وقفتو مسمار
من ضو، من جمر وليالي نار