ليْشِ البِكي؟؟

بَعْدا حُروفي مْلَبَّكي

وبَعْدو القَمَرْ ما طَلْ

مخَبَّا ورا التَّلي

والشمْس نِسْيِتْ حالها

وغِرْقِتْ بنصِّ البَحر

ما صَدَّقِتْ كيف انْسَرَقْ مَوَّالْها

***

اللي صارْ متْل السِّحرْ

***

وشو صار يا بيروت؟

مَ تْخَبّي

قولي عِمِلها مينْ...

يا رَبّي

مَعْقولْ ابْنكْ يفْتِعلْ فيكِ؟

مَعْقولْ يا رَبّي؟

بيقولْ الله لأ مِشْ معقولْ

تِنْسى المحبّه العاطفه التِّحْنانْ

وتخونْ إمّكْ مَوْطِنَكْ لبنانْ

قدّيْشْ إنّكْ وَحْشْ يا إنسان!

***

2020/10/13