سلم عليك الصباح وغار من عطرك
وسلم عليك المساء ونام في ليلك
اما انا ما قدرت ارحل قبل شكرك
بردان تحت السحاب وطقطقة سيلك
صدقني اني تعبت انساك وافتكرك
ونفس العبارات كذبة في مراسيلك
بك تبتدي هالقصايد والشعر شعرك
اعقد لك الشوق في اطراف منديلك
معذور دام الشفايف تشتهي خمرك
لو خاصم النحل ازهاره ويمشي لك
مرتاح كلي وانا الواقف على جمرك
في عتمة الليل ساري بضي قنديلك
لهناااك / للذكريات وخصرك ونحرك
مع ضحكتك والبكا وباقي تفاصيلك
لا ما تشافيت / معجبني مرض سحرك
يا خف دمك وتسألني وش اعني لك ؟
اعني لك اكثر من النبضات في صدرك
واعني لك اكثر من اخطائك وتدليلك
نسيت يومك ضحكت وكنت انتظرك
تحط رأسك على كفوفي واغني لك
من طول فرقاك يا صبري ويا صبرك
وانساني ارجوك لو تسمح وسط ليلك
خذني لعيونك ابا اتنفس شذى عطرك
صوت المسافات واحزاني وشوقي لك