يا نقية
يا رذاذ مطر الخواطر
نفحة من أنسام دفيـّـة
يا شجن نغم الدواخل
يا محطاتي الوفية
لسة شايلاك المشاعر
مهرجان وألحان شجية
إنت حلمي وأغنياتي
وابتساماتي الندية
بيكي تزدان الليالي
وتسعد أيامي الشقية
يا نقية
في دروب الريد لقيتك
وردة حلوة بنفسجية
وإرتديتك
ضحكة وهـّـاجة ورضية
وفي مسار الشوق رجيتك
لمسة احساس عبقرية
إنت داري.. وضي فناري
واختياري.. واختباري
وسر معاناتي العنية
ليكي كم طال انتظاري
واحتياري..
وسكة الشوك العصية
خوفي لما يطول مساري
وترحل الغيمة الصبية
تبعدك عني الليالي
وتملا دنياي بالأسية
إنت ذاتي ونور حياتي
وأمنياتي
ولون مساحاتي الهدية
راجي أيام عمري تفرح
تزدهي الأيام شوية
طلتك تملاني بهجة
وراجي إنت تعودي ليّ