تلمست لك عذر وتاملت بك ميعاد
من العام واقدامي على الدرب دواجه
اجي من هنا وانتي تروحين بي من غاد
تقل ما خلق ربي مواعيد ومواجه
ولا حن لك قلب ولا غصن فرعك ماد
ولا ارخصتي الدمعه وهي ملح وهماجه
ابسلبك من يمكن وبحاول وما فاد
وابذخرك لظروف المواعيد والحاجه
وابتليك لين اني واجهاد عليك جهاد
اذا اصلك والا دونك الموت وخلاجه
لك من السعه عين ومن الحاجبين حداد
انا وين اوديني عن الرمش وحجاجه
ولا انتي من اللي يظهر بحسنها الاضداد
ولا عينك النجلا تبي كحل ودعاجه
يصوت بك المخطر على الروس والاشهاد
عليك العوض كانك تمنين بعلاجه
حرام اننا نقضي على بعضنا بعناد
متاييه في بحر تلاطم بنا امواجه
اذا احتجت يا قلبي على الظلع الاطول ناد
على واحد عرض السموات محتاجه