سحر بنات الجن مايسحرني
وكم بيت مات بـ داخلي وانبنى بيت
قصيدتي طفولتي لك وكني
بعيونك أبحث شهرة الأسم والصيت
يامعجبه كاني غزيتك بـ فني
ماشقاك سمعه مثل ماني تشقيت
شعرٍ به حروف الغضب لوعني
رعد يثور بداخلي لاتجليت
وعيونك اللي بالنظر عاتبني
ملّن وأنا من كثرة البوح مليت
وكم مقبلاتٍ بالهنا واعدني
راحن وانا بـ اطلال وعد استظليت
أقول بكره بس ماهو بـ ضني
مستقبلي يرقص على كف عفريـت
أنا ضحية والظروف البسنّي
ثوب الشقا وانا بـ لبسه تحليت
متناقضٍ ابكي واسولف وأغنّي
هذه حياتي لو رفضت وتناسيت
قولي خطأ قولي كثير التجني
أنا ادري إني فوق ماقلت عانيت