لي الله ما بقى غير السلام ولا تردينه
تقل ماني حفيد آدم وحوا تقل ابن جني !
وش اللي ظل يا ( عوبا ) عقب هذا تسوينه
اظن اللي بقى من انت طس ووش تبي مني
قسم ان ما تعوذتي من ابليس وشياطينه
لاخلي كل نبض وكل عرقٍ فيك يلعني
ولاجنن كل عاقل فيك واعقّل بك مجانينه
مزول المارد بصدري ليا ضقت يتشيطني
غروره واسألي وجهن تقلّب بك تلاوينه
ولايبقى سوى لون السواد اللي تلوّني !!
وفيت ولا دريت ان ( الوفا ) عيب وثقل طينه
غبي ومثلي غبي لازم تقولين بفمك ( خنّي )
حسافه عمري اللي قد تقهويتي ثلاثينه
وانا كل ما شربتي بي سنه استحلفك ثنّي !
حسافه كل جرحٍ يحتريك ولا تزورينه
حسافه كل بيتن فيك يحييني ويدفني
حسافه لا..طرف حبل الحسافه وينك ووينه
تعداك لثرى قبري وظل هناك مستنّي
بريت وعظّم الله اجر جرحن مات سكينه
وهذا اول شياطيني حضر نيابةٍ .. عنّي !