انا .. انا .. لولاي انا من تكونين
اقولها وانا نعم .. فيك مغرور
انا جعلتك نور وانتي .. من الطين
جرة قلم .. وامحيك من عالم النور
انتي بدوني وردة في البساتين
والورد في دنيا .. البساتين مغمور
لكن معي صرتي .. كما الشوف للعين
والعين لولا الشوف .. ماظن لهادور
هذا وقصدي تعرفي موقعك زين
وحذرا .. ترى من انذرك صار معذور
اما اشتري ودي على العسر .. واللين
والا تراني .. بايعك بيعة البور
بسطور .. خليتك شعار المحبين
وامسحك من دنيا المحبين بسطور