يا ريحة امّي لو الذّكرى تطاوعني

ما كفكفتْ فرحة الميلاد مرثيّة

توّي عرفت الغلا من وين يوجعني

لا ياملا راحة الفردوس يا مَيّه :

ماني مغنّي عشان الظّلّ يتبعني

طرْد المقفِّي مهي عادة قوافيّه

ورّيته الشمس مطفيّه وسمّعني

حِسّ احتراقي يقول الشمس مطفيّة

وااراسي اللي عصبته لين صدّعني

عيّا يفكّ الصّداع بدون حريّه

ربّي عطاني على قدّي وطمّعني

دربي حقيقي وخطواتي خياليّه

لو ثقب الابره طريق الحلم ياسعني

ماينْكسر خاطر المعروف بِيْدَيَّه