عطني دليلك با لجفا يوم تجفا
ان كان عذرك في محله عذرتك
في وقت انا ارجيه باتغير وتصفا
وراك تزعل كلما اني نصحتك
عسى جروحٍ منك بالقلب تشفى
جروحك كثيره بي وانا ما جرحتك
عجزت لا القى في محبتك مرفأ
معذور لو اني اهيم وهجرتك
ياليت تعذيبك لي العام كفى
عزالله اني بالعنا من عرفتك
ما فيه سرٍ للمحبين يخفى
وانته عن اسرار الهوى ما سألتك
خل الشموع بماضي الحب تطفى
وقل للذي ما حب ياطيب بختك
قلبٍ مثل قلبك من اللوم يعفا
على الوصل شاريك وبالهجر بعتك بعتك