تعب الثرى يا سعد ما تعبت أقدامي
من كتب له خطوة لا بد يمشيها
وعيني تناظر ورى والدرب قدّامي
استعرض أيام ماضينا وأناجيها
من كثر ما أحبها حبّيت الأوهامِي
اللي تجيب الهواجس في حراويها
القى بها الفايت اللي فات بأحلامي
والنفس شابت على رجوى أمانيها
أيام فيها ومنها مصدر الهامي
عيّا سحاب الوسم يمطر ويحييها
الله يخطي بها من رمية الرامي
ترجع حقوق غدت من كف راعيها
عبث يحب العبث في جرحي الدامي
أكثر جروحي سببها من مداويها
عينه لغيري نظرها فاتح عامي
لي طابت العين يكحلها ويعميها
ذكرت يوم الفراق وماتت عظامي
الله لا يرحم الفرقا وطاريها