عندي مثايل عسل وامثال مسمومه
هذا وانا اقّّدر الطيب وميزاته
بعض الرجاجيل لا يعجبك بعلومه
ان عشت وان مات ماينقص قراباته
يقصر على العرف والمعروف مفهومه
فحل مره زول لا وده ولا هاته
والناس تعرف طيور الصيد والبومه
والطيب تعرف رجاجيله وحزاته
المرجله بين كل الناس مقسومه
إلا الذي ماتطول الجود هقواته
هذاك نفسه من التقدير محرومه
محدود رزقه على بطنه ومخباته
شهامته من صميم الراس معدومه
الله يمحق تقاليده وعاداته
لا صار يجهل مجال الطيب وسلومه
احسن يغمض على مافيه بااسكاته
يغر من لا يعرفه وسع حلقومه
جعل الدركتر يضفه بين ويلاته
لا صار ماياصل اهل الحق ولحومه
قدره وماله تحت رجليه واحذاته