سافر بقلبي وغيب ولا تسافر بعيد
ازبن ضلوعي لياجا الليل تمسي بها
ما عاد يمديك تسرى جاوري البيد بيد
نوخ ركاب الغلا تعبت مناديها
تعال واحي العروق الذابلات الهميد
انعش حنايا الضلوع اللي عوى ذيبها
لو غربة الشوق طالت شاب حرف القصيد
والروح قربك وشوفك هي مطاليبها
روحي وقلبي ضيوفك بالغزال الشريد
وضيوف الاحباب في حكمه معازيبها
ذابت ليك المشاعر بين قاف ووريد
ونور السعادة طفا توحش سراديبها
العمر تنقص سنينه وانت حبك يزيد
واحلام عمري معك تقبل وتقفي بها
شرهة زماني حزينه والمواصيل عيد
وسود الليالي ترى الفرقا عذاريبها
صدق الليالي عنيده بس راسي عنيد
والله ما ذل نفسي في هناديبها
ياليل دوك العذاب وهات صبحٍ جديد
تعبت اعدي واحول من مراقيبها
ما كل حي تمنى يوصل اللي يريد
متى الليالي معك تصفى مشاريبها
يا منتحي عن عيوني منك ويش استفيد
تعال ضم الضلوع اللي عوى ذيبها