يا حمد سود الليالي عذبني
السهر كنه على عيني فريضه
عودني للسهر ثم أرهقني
وأودعن قلبي على ناره نجيضه
المشاعر باسم خلي يزهمني
والمشاعر فيضها للي يفيضه
فاض فيضه بس يمي عودني
الدروب طوال والدنيا عريضه
دموع عيني بالوفاء له يشهدني
ولو يشوف الروح من بعده مريضه
ليتهم في جانبي دوم متهني
وارفع اصوات الفرح ما هي خفيضه
والليال الماضيه لي يرجعني
احتمي به في شتاه ووقت قيضه
يا حمد ما فادنا كثر التمني
بس عزاي انه بحبي مستهيضه
يوم كل في معازيفه يغني
قلبي المقتول كنه في رميضه