الخيل ندر ماتهاب المخاييل
وأعنة الخيل الأصايل أجله
بيني وبينك واضحة مثل ماقيل
الرجل مايشنا العرب في محله
كف اللغى لاصار مالك مداخيل
أدخل على اللي خابرٍفيك عله
علة وباء لو تكتشفها التحاليل
رحت بخبرها من بريد لمجله
ماأنت بكفو وانا قبول الرجاجيل
هذا الصحيح وماعقدته تحله
والا انت ماتنطح وجيه المقابيل
وسيف الرخامه يذبحك لو تسله!!
شوري عليك إن طعتني ياالمخيليل
لاصار مالك في لقاء الزمل خله
قدام ألقيك الخلا تالي الليل
وعقب المعزة تحتضنك المذله