كيف اعزّي هالقصايد في قصيد ؟
وكيف ابوح لكلّ بدرٍ عن "بدر" ؟
له نظمت الحرف مـن دم الوريد
لين "عجزه" قام يحضن له "صدر" !
جدّد اجروحي وانا ماني وحيد
كم معي نجْم و سحابٍ منحدر !
وكم شعاع وكم جديل وكم جريد
وكم وفا عشّاق .. وكم شكوى غدر !
كلّنا نبـكي على مـوتـه أكيد
والعـزا راح لعـزيزٍ مقـتدر
سـيّد اقدم شعر بالثوب الجديد
لو حكينا صعب نوفيه القدر
ياكبر فقـد الرياض بهالفقيـد
وياكبر جرح المسافة فــِ الصدر
عظّم الله أجْر كلْ نور وقصيد
من يصدّق إنّه يْموت البدر !!