يا حبيبي لو تكون ابعد حبيب
المهم اكون من قلبك قريب
احتضني في حدودك وانسني
اقهر الآمال لكن لا تغيب
انت جرحي وانت لجروحي دوا
ما سمعت بقلب من جرحه يطيب
في رجا فرحه يحاصرها العذاب
يا نصيبي كيف ما ارضى بالنصيب
حبك اللي قبل احبك حبني
كل شيٍ فيك قال انك حبيب
حبك اللي من شتاتي لمني
من عرفتك ما شعرت انك غريب
الغلا والله ما يغلى عليك
والوفا ايام عمره ما تشيب
السؤال اللي اموت ولا يموت
كيف اكون الحب وتكون الحبيب