انا انسان مع نفسي قبل لا اكون معك انسان
لي مبدا ولي نظره وتحكمني قناعاتي
احاسيسي حقيقه ثابته بالوصل والهجران
انا طبعي الى حبيت احب بكل حالاتي
منادي والنداء نابع من الوجدان للوجدان
اذا ما ينطق احساسي حديثي يشبه اسكاتي
ولا اجامل بحاسيسي ولا اقبل بالهوى احسان
ولا للمصلحه ياسيدي دور بعلاقاتي
احب الصدق واعمل به كسبت او كنت انا الخسران
لو صدقي يخسرني تشرفني خساراتي
ولو ينسى زماني مانسيت الشوق والخلان
رفيق العمر لو يقسى معاناته معاناتي
هلا بك يا اصدق شعور دخل قلبي بلا استاذان
هلا بك يالنصيب اللي نثر وجهه على اوقاتي