شوف الجبل واقف ولا هزته ريح

شوف القمر عالي ولا يمكن يطيح

وأنا الجبل في عزتي وفي وقوفي

والبدر من طولي توسد كتوفي

وان كنت تبغي يا وفا العمر توضيح

ما اطيح من هزه ولا تهزني ريح

ما للزمن يا صاح غالي وصاحب

له قلب متقلب وله وجه شاحب

وأنا لو إني من الزمن صرت ظايق

بس أشكره جدا كشف لي حقايق

علمني أثبت حتى لو مت ما أطيح

ما اطيح من هزه ولا تهزني ريح

طبعي عزيز النفس من قوم الأكرام

واللي الكرم له طبع لا يمكن يظام

وأنا أبد ما أخطيت في حق ناسي

ولا لوقتي يوم وطيت راسي

مهما لفاني من خطا الناس تجريح

ما اطيح من هزه ولا تهزني ريح