يالله انك تهدنا الرشد و الدرب السليم

من هداك و رحمتك كل خير نعيّنه

واكفنا شر الضلالات و الراي السقيم

وشر ناس تلمّع الشين لين تزيًنه

و اكفني شر الجهاله وانا رجل ٍ حشيم

اتسامى و اتواضع فـ مور معينه

و اتوقى في ذرى الله من طعون الصميم

طعنة اللي تأمنه ماتجيك هوينه

اذكر الله واتعوذ من ابليس الرجيم

كل ماشفت الغشش من وجيه ٍ دينه

و ما يسرّ الخاطر العمس والله العظيم

غير قرم ٍ في يديه العسيره هينه

المكارم بينه فى سنا الوجه الكريم

والخباثه والردى فالدويّن بينه

ولا يعكر لي مزاجي سوى هرج الغشيم

كل ماسولف يجيب العلوم مطيّنه

فاجر ٍهماز لماز مشاء بنميم

يالله انك تخلي الارض من ذي العيّنه