يا هاجسي بالشعر بالله مهلا
على الخفوق و نازفات الفتوقي
خلني على حسب المزاج اتملا
واختار من دانات عمق العموقي
اجيدهن من فكرتي واتسلا
واحبس همس احساسهن في عروقي
ان عنت الافكار والفكر علا
في نو قاف اللي تقافا بشوقي
ايطيب لي في منتهى الكيف ولا
ابقى على ناري وشمسي وذوقي
يا من دهاني الصدود وتولى
يا ليت لو تدري بوجدي وشوقي
حسنك ملكني في الهوى واستحلا
يا ليت تطلق يا مودي سبوقي
حرقت قلب من صدودك تقلا
مضى اللهيب وتم رسم الحروقي
تتجدد اشواقي اذا الشوق يبلا
مثل الشجر جدد غصون وعروقي
وانا على صبري لها ما املا
ما كثر ظلايمها وما ضيع حقوقي
ما كل ما يغليك عندك بيغلا
وما كل من يدعي صديق صدوقي
هيج شجوني ناظم في السجلا
صوته يلحن كايدات الطروقي
مثله انا اهوى التحدي ويحلا
عندي واطريب للشدايد واتوقي
معاني للفاهمين اتجلا
تاتي عظيمه مثل ذوقك وذوقي