الوضع خالي من الاحساس
( جمال ) والليل ياطوله
والفكر ولع لي النبراس
وشو له الصمت وشو له !؟
بكتب من الشعر بالقرطاس
واطاول النجم وانوله
وابيّح السد والمقياس
من اول الجرح لفلوله
ماعقب هذا الوجع والياس
شيٍ ابخفيه مااقوله
الدار لوبه كثير اوناس
مااشوف انا الدار مأ هولة
القلب جذعٍ عليه الفاس
يصول صوله ورى صوله
واللي بقابي من الانفاس
مرات اطوله ولا اطو له
والجوف ناره لها مقباس
تضرم اذا لاح مجدوله
من عقبه العمر لو به ناس
كل الاحاسيس مقتوله !