ان قلت طيبك شمس يضفي على الكون
الشمس غابت وانت طيبك منور
وان قلت وسم ٍ كله بروق ومزون
الوسم فتره وانت أبد ما تغور
مافيه أبد حي ٍ على الطيب مامون
الا انت ياللي في مجاله تطور
من زاعمك به ما لقا حل مضمون
وقالو له انه جاهل ٍ ومتهور
أطراف طيبك بالعرب عيد مسجون
وظلٍ ظليلٍ لليتيم المسور
عبدالعزيز العز والناس يدرون
إنا على وضح النقا ما نزور
انت الذي للطيب فالعالم عيون
وسمعٍ على كل الديار امتحور
يافرحة اللي من لياليه مغبون
ما قبلك أحدٍ للصعايب يدور