كنت ادور قبل اشوفك معجزتنا الثامنة
والتقيتك يا غلا قلبي وروحي امنة
ياما كنت احلم واحلم قبل احبك بالغرام
واحمد الله حلمي تحقق وفرحي ضامنه
***
كانت احلامي تراودني على مر الليال
واكتشفت انها حقيقه لا هي حلم ولا خيال
صرت يا ناصر لعمري ضي شمسي والظلال
والليالي في وجودك يا حبيبي امنه
***
يا بعد عمري وروحي يا هنا كل السنين
انتي كل الحب عندي واشتياقي والحنين
لو سالتي القلب هذا منهو يعشق كل حين
رد نبضه بعد نبضه بعد نبضه امنه
***
يا بعد دنياي كلها يا غلا كل الزمان
منهو مثلك في غرامك واهتمامك والحنان
يكفي اني قربك اشعر بالسعاده والامان
وانت وحدك لي على الحب الكبير استامنه
***
الله لا يحرمني من حبك وعشقك والغرام
واهتني بك كل يوم وكل شهر وكل عام
حبنا اعذب واسمى من احاسيس الكلام
واحلى من كل المشاعر والمعاني الكامنه
***
يا عساني ما خلا منك ويسلم لي غلاك
والهنا عندي في شوفك وابتسامتك ولقاك
ادري يا ناصر في حبي شفت دنياك وهناك
وانت سعد العمر كله في ليالي امنه