على كيفك يجي كيفي انا لك رهن ما تشر
بغيتك تطلب عيوني واشوف بمطلبك عفه
تدلل يانظر عيني حشا ما اقول غير ابشر
رهنت العمر في حبك ولو يلقى معك حتفه
انا يا حبي الصافي معك في الخير او في الشر
و هبتك قلبي الوافي في ليلة حبنا زفه
تزين بقربك ايامي ولا غيرك معك يخشر
وزن حب العرب كف وحبك راجح بكفه
حلفت الحب ما يرخص ولا عن سرنا بانشر
بسافر في بحر حبك الين ارسي على ضفه
على كيفك ولا تخلي عواذل بيننا تحشر
ترى ياما حبايب حبهم كثر الحكي لفه