قلبي اللي بالهوى ربي بلاه
في حبيب ياكثر ناس تبيه
كل يوم يزيد في عيني حلاه
وما بقى في الزين شي ماهو فيه
هذا حالي ياعرب والله معاه
ادري انه هو سبب همي وابيه
مير وينه او ياليته او عساه
عني لاهي وانا دوم اسال عليه
خذت انا قلبه وهو قلبي خذاه
واشتكا مني وانا منه اشتكيه
وما اشك بطيب قلبه او وفاه
بس من زود الغلا اشره عليه
وش اسوي باللي واثق من غلاه
يدري اني اعشقه واموت فيه
هو يزعلني وانا ادور رضاه
وان تركته رد قلبي في يديه