كان ودي نلتقي
في حياتي تشرقي
مثل نجمة تبرقي
لكن ظروفك غريبه
***
انت عارف يالحبيب
ان عالمنا غريب
والهوى قسمة ونصيب
وهذي الدنيا عجيبه
***
كيف قولي لي يكون
حبنا بس بالعيون
اطلبي عمري يهون
والقمر عندك اجيبه
***
خلك احساس وخيال
وخلني صورة وجمال
نلتقي هذا محال
حتى لو اني قريبه
***
كل واحد في طريق
والهوى اشواق وحريق
قلبي محتاج لصديق
للأسف ضايع نصيبه
***
شايفه وقتي يروح
والهنا عمره جروح
قدّر وخلك سموح
خلني بعيونك حبيبه