تكفون بالله ريضوا لي على شان
اكتب لكم خط عطوني ردوده
وليا قضيتوا يا طويلين الايمان
شبوا عليه وزودوا في وقوده
وان كان مريتوا على نزل مشعان
سلم على مشعان ياللي تروده
وسلم على اللي كن خده ليا بان
تقول لون الورد حمرة خدوده
والعود تقليد على عود ريحان
ماطق في عرضه ولا هز عوده
وقله يقول ان كان ياصاف الالوان
اموقفينك بالثمن ومحدوده
والله لترخص فيك غالية الاثمان
ماهم فيك المال نقصه وزده
انا اشهد انك مركب كان لحصان
ماانتيب للتاجر محسب نقوده
وياليت يوم انـّا عواني وجيران
حبلي وحبلك بالوصال معقوده
على طريقة حق والحق سلطان
الحق واضح والدلايل شهوده