يدوم عزك يااجمل ابلاد بالكون
ياللي بظل اسوار عطفك ربينا
كل الاوادم في بلدهم يعيشون
الا احنا بس كويتنا تعيش فينا
عمر الكويتي مارقد يوم مغبون
على الكرامه والمعزه خذينا
مدفون حبك داخل الروح مدفون
عطفك بحر واحساسك العذب مينا
ياقبلة الفزعات للي يضيقون
يانور كل دروبنا لامشينا
مالوم شعبك فيك يوم ايتباهون
من كثر ماشفنا ورحنا وجينا
العمر لاجل ترابك الطاهر يهون
ارواحنا ابسط حقوقك علينا